وبسبب تكرار الشكوي من اختبارات إعلان التعاقد مع أطباء بيطريين عن طريق الاستعانة.. ومن باب “فاسألوا أهل الذكر إن كنتم لا تعلمون”، وحرصاً على نزاهة وشفافية الإختيار والقبول للزملاء المتقدمين.. يرجي استدراك أن شركات القطاع الخاص
-ومن تجارب السابقين- بعد إجراء المقابلات النهائية والتصعيد وقبول الزميل للعمل، يتم تدريبه تقريباً من أسبوعين لشهر، وتقريباً يادوب على أساسيات علمية بسيطة، بيدربوه على نظامهم اللي هما عاوزينه يبتكر فيه، وبينزلوه مع زملاء قدامي ذوي خبرة في زيارات ثنائية عشان يستنبط اللي ما اتعرضش في التدريب،
وبعد كدة ينزل لوحده بمتابعة وتواصل رئيسه المباشر لغاية ما يتمكن من أداء مهامه ومسؤولياته الجديدة، ثم يبدأ يسعي للتطوير والابتكار أو على الأقل يؤدي الواجبات وخلاص، الكلام ده بدأ بعد مقابلة التصعيد والتدريب لأسبوعين بعيداً عن ال ١٦ سنة أو أكتر من التعليم واللي وارد جداً يكمل بيهم بقية حياته..
المقصد، استدراكا لتصحيح المسار، أنا كدولة عاوزة أطباء بيطريين بنظام الاستعانة أو حتي التعيين للعمل في الهيئة العامة للخدمات البيطرية، يبقي منطقياً الإختبار لازم يتوفر فيه شرطين..
أحدهما، إنه يقيس مهارات المتقدمين في التعامل مع الحالات المختلفة لوحدات ومجازر الإدارات البيطرية اللي طالبين الاستعانة “مفيش داعي للحاسب واللغة والمعلومات العامة و…الخ
“، الشرط الثاني أن يكون بنك الأسئلة اللي مطلوبة جاية من أسئلة أطباء الوحدات البيطرية والمجازر ومديري الإدارات البيطرية المختلفة، ده فقط عشان يكون السؤال منطقي ومن أرض الواقع.. ساعتها اللي مش هايعرف يحل يبقي غيره أولي.
. إنما الآلية اللي حاطتها الجهاز ستؤول إلي false results، حيث إنه الزميل ممكن يكون شاطر في المجال ولكن الامتحانات غير ممثلة أو معبرة عن المطلوب وتحيد عن اختياره كطبيب كفء،
او إن المتقدم أصلا “يادوب يعرف يتعامل” ومع ذلك الأمور صارت لصالحه صدفة، وبكدة هايتعاد الأمر ثانية بتكاليف مجددة لزوم تدريب المقبولين، واللي إحتمال إنه عدي الإختبارات قدرا false positive results.. الأسئلة من ارض الواقع ومفيش غير في المجال فقط، لأنه منطقياً مش هاينهض الطبيب البيطري بالثروة الحيوانية والداجنة والسمكية لكونه عارف إن المتحف المصري يقع في نطاق محافظة إيه أكتر مايهمني إنه يكون عارف إزاي يحط خطة للوقاية والتحصين ومنع انتشار الأمراض المعدية في القطعان والمشتركة مع الإنسان، ويقدم غذاء من أصل حيواني آمن صالح للاستخدام الادمي، فاهم مهامه ومسؤولياته أكتر من طول الحمض النووي ونوعه.. استدراك الأمر فضيلة، من باب أن خير الخطائين التوابون
عسي الله أن يوفقنا جميعا ويسدد خطاكم
