اوعى تخاصم
اشعار
اد فوزى مدكور
جامعة القاهرة
اوعى تخاصم
قلبي وتبعد عنى بعيد
واعيش وحداني
ويا ليالى
دنيا وفيها
ما ح ابقى سعيد
دأنت حياة العمر بحاله
أنت وعندي
أعز حبيب
وبعدك عنى
ح يعذبنى
و ح اعيش ويا الفرقة
غريب
يامخلى الدنيا جميلة
وأجمل منها
أنك تبقى جنبى قريب
يامحسسنى بأجمل أيامى
يامخلينى باحب زمانى
ونفسى اعيشه
وياك تانى
بعمر جديد
اياك تبعد أو حتى تخاصم
اصل أنا ما اقدر
اعيشها الدنيا
وأبقى وحيد
غنى ياقلبى
غنى ياقلبى وقضى زمانك
وويا الفرحة عيش وسعيد
عشها الدنيا غنى وفيها
حس ودايما
مع ايامها بحب معاها
وطير وياها بشكل جديد
يلا ياقلبى اشعل نورها
خلى سماها
ويانجومها تأيد
خلى قمرها يحس وجنبك
انك اجمل منه أكيد
نورك هالل ف كل اركانها
نور وعجيب
يلا ياقلبى محلى غناك
يلا ياقلبى وأنا وياك
ويا الفرحه حسه بعيد
طريق حياتى
ويا الألم عيشت دنيتي
ادور ع الطريق ما ألقاه
وألقى الوحوش فى سكتى
وقلبى الخوف جواه
دنيا وكانت راضية بغربتي
إنى اعيش مأساه
واشوف الحظ بيخبط
على كل باب يلقاه
ويجى على بابى
ما يشوفه ياولداه
وقولت
حامشى وادوس ع الصعب
لحد الأمل ما ألقاه
وعشت بعزيمتى
لحد ما وصلت فى سكتى
ياه
وفوق الحبل
حسيت بطعم الحياه
ولقيتنى باضحك
والضحكة فوق شفتى
عشان
عرفت للجهاد معناه
